|
| 嘩.....好耐都無打過xanga啦,今日唔知點解想打,所以打返一次咁多啦!我都唔知下次會係幾時打架...所以要好好珍惜今次啦!! 係呢段時間入面,當然發生左好多野,開心又好,唔開心既又好,都已經過左啦!!希望將來會更好啦!!依家已經讀到SBI既Year3啦,真係難左好多呀!!不過大家都咁努力既時候,我又點可以唔比心機呢!? 岩岩過左既星期五姐係21/11,我地成班Year1既同學仔一齊去左大澳玩左一日!!一行17人一齊入去大澳,原來真係好開心呀,我好耐都未試過咁多朋友係身邊一齊玩!!我地入大澳既原因係jessie有間屋係入面,所以可以玩得開心d,之後我地放低晒d野,之後成班人一齊去左食豆腐花,真係幾好食呀!!再我地係大澳行左陣,好靚呀d風景!!到差唔多入夜個時.,我地就返去開賭檔,成班人係度賭,唉.........!!!之後無耐就開始BBQ啦,真係好好玩呀,B完之後,我地圍埋左一齊玩killer,玩到大約11:00就執野走啦!!總括今日實在太好玩啦!!我十分之高興!! 咁就完成左我地既活動第一部曲<<大澳一日遊>> 我可以係度預告一下,如果大家反應熱烈的話,我當然會唔排除再一次做搞手,去搞我地活動既第二部曲既旅程!!希望大家多多支持!! | | |
| 今日我又打xanga啦! 呢幾日終於正常返啦~~今日7點起身,之後就返學啦,今日由9:30返到5:30,中間得一個鐘Lunch!真係慘.........最後一堂個時,我地就4班一齊上,但係間房好細,完全坐唔晒d人, 搞到焗!之後到放左學,我就去左3樓交支票, 之後就同Chloe落左葵芳行左一陣,佢去左Smartone交電話費,而我地之後又去銀行打簿,之後行多陣就走啦!! | | |
| 嘩嘩嘩..........咁多位大家好,我終於返黎打xanga啦,我已經有好耐無打啦!可能大家都已經無上黎睇野啦,的確上黎又無野睇既,今日打返個xanga先!岩岩就過左新年,又過埋情人節.....呢兩個節日, 本人都有野做!希望我可以日日都打到xanga啦!!多謝!! | | |
| 唉...係咪其實呢個世界真係有人以為自己好得人歡心,想個樣就要個樣,咁唔得架喎!都要睇下人地比唔比你先得架!仲要如果犯左錯,連累埋人地就唔好啦!
舞林正傳!!Everybody | | |
| 11月1號就測marketing啦,要不斷繼續努力地溫書!!27號個日上完堂之後,我就約左chloe係樂富等,之後一齊去APM行街街,去到APM,我地兩個第一時間去搵野食,之後就去左foodcourt食野,d野食都唔錯!食完之後我地就開始行啦,由最高個層慢慢行到去最低個層,本來chloe想買件衫架,不過無貨!之後去左無印買筆!之後就搭車走啦28號呢日我又係去左APM,因為約左人飲茶,我地由1點飲到3點幾之後就上左阿婆屋企打牌,打到7點幾,之後就叫左KFC外賣,食完睇電視,大約10:00就走啦! | | |
|
